अष्ट्रोलोर्प

यो वेलायती वर्गमा पर्ने उन्नत एवं शुद्ध नश्लको फुल मासु दुवैको लागि उपयुक्त जातको कुखुरा हो । हेर्दा कालो देखिने यो कुखुराको छाला सेतो, कानको लोती रातो र नली खुट्टाको रङ्ग स्लेट जस्तो हुन्छ । तराई देखि उच्च पहाड सम्मको हावापानीमा सजिलैसँग गाउँघरमा खुला छोडेर समेत पाल्न सकिने । वार्षिक फुल उत्पादन  १८० देखि २०० गोटासम्म हुने यो अर्को लोकप्रिय कुखुराको जात हो । यसको शारीरिक जिवित तौल भाले ३.९ के.जी. र पोथी ३ के.जी. भएको पाईएको छ ।