हुर्किएका चल्ला (ग्रोअर) को व्यवस्थापन

ग्रोअर भन्नाले लेयर्स जातका ९-१८ हप्तासम्मका कुखुरालाई जनाउँछ । यिनिहरुलाई ९ हप्ताको उमेर भएपछि हुर्काउने घरमा सारिन्छ वा एकै घरमा उपयुक्त स्थान दिएर राखिन्छ । ग्रोअरलाई  ९-१८ हप्ता उमेर सम्म ग्रोअर रासन दाना दिइन्छ । कुखुरालाई स्टार्टर स्टर्टर रासन ( चीक मास) बाट ग्रोअर रासनमा एकै पटक परिवर्तन गर्दा पचाउन समस्या समस्या हुने हुदा स्टर्टर रासन र ग्रोअर रासन ७५:२५, ५०:५०, २५:७५ को अनुपातमा क्रमिक रुपले परिवर्तन गर्नुपर्छ । यो दानामा प्रोटिनको मात्रा अन्य दाना भन्दा कम हुन्छ । ग्रोअरलाई उपयुक्त बस्ने स्थान, आहारा र पानी पीउने स्थान हुनुको साथै खोरमा हावाको राम्रो ओहर दोहर हुनुपर्छ । यो उमेरमा कुखुरा हुर्किसकेको तर फुल उत्पादन नहुने भएकोले यस्को व्यवस्थापन प्रति ध्यान कम मात्र पुग्न सक्छ । तर यस अवस्थामा राम्रो व्यवस्थापन कायम गर्न सकेमा मात्र कुखुराको शारिरीक बृद्धि एकनासको हुन्छ र पछि फुल उत्पादन एकनासको हुनजान्छ । यस अवधिमा कुखुराको रेखदेख तथा व्यवस्थापन खासगरी आवास, दानापानी, प्रकाशको आवश्यकता, विमारी र परजीविबाट रोकथाम आदि कार्यहरु गरिन्छ । यस अवस्थामा सोत्तर ४” बाक्लो हुनुपर्छ र दाना खपत बारे माथि नै तालिका नं. २.३ मा उल्लेख भई सकेको छ । ग्रोअरलाई विस्तारै प्रकाश घटाएर १८ हप्ताको उमेरसम्म ८-१० घण्टा उज्यालोमा ल्याउनु पर्छ ।

तालिका: उमेर अनुसारको दाना, आश्रयको लागि, दाना खाने र पानी पिउने स्थान प्रति कुखुरा

चुच्चो काट्ने

कुखुराको उमेर १४-१६ हप्ता पुगे पछि चुच्चो काट्नपर्छ । चुच्चो काट्दा इलेक्ट्रिक डिविकर वा अन्य धारिलो चक्कुलाई तताएर पनि काट्न सकिन्छ । यसरी चुच्चो काट्दा माथिल्लो चुच्चो १/३ देखि १/२ भाग काट्नुपर्छ र तल्लो चुच्चो अलिक लामोे राख्नु पर्छ । माथिल्लो चुच्चोलाई पहिले काट्नुपर्छ । चुच्चो काट्नु अघि केही घण्टा कुखुरालाई दाना दिनुहुँदैन र खोप पनि लगाउनु हुँदैन । चुच्चे काटिएका कुखुरालाई वथानमा केहि दिन भिटामिन के दिनु उपयुक्त हुन्छ । चुच्चो काट्ने अवस्थामा कुखुराहरु स्वस्थ्य  हुनु अनिवार्य हुन्छ ।