सिंचाइ व्यवस्थापन

हिँउदमा लगाइने मकै लाइ रोपाई पुर्व साधारणतया सिंचाइ दिनु पर्दैन तर माटो सुख्खा छ भने सिंचाइका आवश्यकता पर्दछ र सिचाइ गरि खनजोत पश्चात मकै रोप्नु उत्तम हुन्छ । वसन्त मकै खेतीलाइ रोप्ने बखत सिंचाइ दिनु जरुरी छ । सिंचाइका मात्रा माटोमा चिस्यानको अवस्था, विरुवाका अवस्था, सिंचाइको श्रोत आदीमा निर्भर गर्दछ । डयांग बनाएर लगाएका बालीमा पानी लगाउदा डयांगको दुइ तिहाइ भाग भिज्ने गरी पानी लगाउनु पर्दछ । एकै पटक पानीले डुवाउनु भन्दा हल्का र पटक पटक पानी दिनु उपयुक्त हुन्छ । सामान्यतया मकैबाली घुंडासम्म अग्ला भएको अवस्था, जुंगा निस्कने अवस्था र दाना पोटिला हुने अवस्थाहरु बढि संवदनशिल हुनाले यी अवस्थाहरुमा सिंचाइ दिनु जरुरी हुन्छ ।