गोडमेल तथा झारपात व्यवस्थापन

हाइव्रिड मकैबाट बढि उत्पादन लिनका लागि दुइ पटक सम्म गोडमेल गर्नु पर्दछ । विरुवा उम्रेको २० देखि २५ दिन पछाडी पहिला गोडाइ र दोश्रो गोडाइ पहिला गोडाइका ३ हप्ता पछि गर्नुपर्दछ । दोश्रो गोडाइ पछि उकेरा दिन उपयुक्त हुन्छ । झारपातका कारण मकैमा ३५ प्रतिशत सम्म उत्पादनमा ह्रास पुगेको देखिन्छ । मकैको विउ उम्रनुभन्दा अगावै वा रोपेको ३ दिनभित्र एट्राजिन वा सिमाजीन १ देखि १.५ के.जी. प्रति हे.का दरल ६०० लिटर पानीमा मिसाएर छर्नु उपयुक्त हन्छ । त्यसपश्चात १ देखि २ पटक कोदालोको सहायताले मकैमा माटो चढाँउदा जरामा हावाका सञ्चार राम्रोसंग हुने तथा झारपातका नियन्त्रण पनि राम्रा संग हुन्छ । झारपातनाषक विषादी छदा विषादीका नेटवक विचैमा नटुटाउनका लागि विषादी छर्दै पछाडी तर्फ आउनु उपयुक्त हुन्छ।