लगाउने तरीका र दुरी
बीउको रूपमा प्रयोग गरिएको माउगानो (ब्रुनी) लाई यदि बाली तयार हुनुअगावै जमीनबाट निकाल्नु छ भने टुसाउने भागलाई तल बनाई सबै गानोहरूलाई एकै दिशातर्फ फर्काई रोप्नुपर्दछ । यसो गर्नाले ब्रुनी भएको ठाउँ पत्ता लगाई झिक्नलाई सजिलो हुन्छ । ब्रुनी झिक्ने उपयुक्त समय साउन–भदौ हो । व्यावसायिक रूपमा अदुवाखेती गर्दा आवश्यक दूरी मिलाई लगाउनुपर्दछ । पानी जम्ने ठाउमा करीब १५ से.मी. अग्लो, १–१.२ मीटर चौडाइको र आवश्यकता अनुसारको लम्बाइको ड्याङ बनाई अदुवा रोप्न सकिन्छ । जमीन तयार गरेपछि हारदेखि हार ३०–४० से.मी. र बोटदेखि बोट २५–३० से.मी.को बनाई १० से.मी. गहिरो कुलेसो बनाउनुपर्दछ । अदवुाको पानालाई ५–६ से.मी.जति माटोको तह हुने गरी पुरिदिनपुर्दछ । यसो गर्नाले टुसा राम्रोसग पलाई बोटको वृद्घि विकासमा मद्दत पुग्दछ।
तस्वीर ४: टुसाएका बीउगानाहरू