खुम्रेकीरा
यसको वयस्क अवस्था खपटेकीरा हो । वयस्क खपटेकीराहरू खैरो वा गाढा खैरो रङ्का हुन्छन् । लार्भाहरूको टाउको खैरो रङ्को हुन्छ । यसको शरीरमा छोइदियो भने बटारिएर बस्छ । लार्भाहरू माटाभित्र बसी पानाको तल्लो भागबाट गानाहरू खान्छन् । लार्भाले खाएको गानामा माथिबाट हेर्दा सग्लै देखिए तापनि तल्लोपट्टि खोक्रो पारेको हुन्छ । एउटै गानालाई ३–४ वटाभन्दा बढी लार्भाले पनि आक्रमण गर्दछन्।
तस्वीर १३: खुम्रेकीरा र यसको क्षति
व्यवस्थापन
अदुवा लगाउनुभन्दा अगाडि खेतबारीलाई गहिरो गरी खनजोत गर्ने, ताकि खुम्रेकीराको विभिन्न अवस्थामा नाश होस् ।
काचो गोबरमल प्रयोग नगर्ने
मटोराइजियम एनाइसाप्ली (Metarhizium anisopliae) १० गा्रम प्रतिके.जी. (वा २ के.जी. प्रतिरोपनी) कम्पोष्टमलमा मिसाएर जग्गा तयारी गर्ने बेलामा प्रयोग गर्ने । फिप्रोनिल ०.३% दाना १.५ के.जी. प्रतिरोपनी वा डर्सवान १० % बिषादी १ के.जी. प्रतिरोपनीका दरले माटामा प्रयोग गर्ने ।