नैनी

यस माछाको शरीर लामो, माथिल्लो भाग खैरो र तल्लो भाग सेतो हुन्छ । शरीर पुरै कत्लाले ढाकेको हुन्छ । यसको आँखा सुनौलो देखिन्छ । यो माछा ग्रास कार्प जस्तै देखिएता पनि कत्ला अलि साना र कत्लामा थोप्ला हुन्छ। यो माछा पनि न्यानो पानीमा फस्टाउँछ (२५–३५ डिग्री से. तापक्रम) । वर्षायाममा रोहु, नैनी र भाकुर माछाहरुको प्रजनन कार्य बढी सफल भएको पाईएको छ । यसको पनि प्रजनन कृत्रिम प्रविधिबाट गरिन्छ र २ वर्षमा परिपक्व हुन्छ । नैनी माछाले पोखरीको पिँधमा पाइने सडेगलेका घांसपात र कीराहरु खान्छ । यो माछा २ वर्ष पाल्दा १.५ देखि २ के.जी. सम्मको हुन्छ । रोहु जस्तै यो माछा पनि पुरानो र गहिरो, बढी हिलो भएको पोखरी वा दहहरुमा राम्ररी फस्टाउँछ ।

आहारा वानी: सर्वहारी

आहारा क्षेत्र: पानीको पिंध क्षेत्र

प्राकृतिक आहारा/दाना: कूहिएका पादार्थ, जीवहरु र दाना