एकिकृत मत्स्य पालन

पोखरी बनाउँदा करिब दुई तिहाई जलाशय तथा एक तिहाई डील प्राप्त हुने गर्दछ । कहिलेकाहिँ पोखरी गहिरो खन्दा डीलले अझ बढी क्षेत्रफल ओगड्दछ । पोखरीको डीललाई बाँझो राख्नु उचित हुंदैन । अर्कोतिर मत्स्य पालन गर्दा विभिन्न वस्तुहरुको आवश्यकता हुने गर्दछ । जस्तैः घाँस, दाना तथा मलखाद । डीलको समुचित उपयोगद्वारा यी वस्तुहरुको परिपूर्ति गर्न सकिन्छ जसले गर्दा डीलको सदुपयोग हुनाका साथै उत्पादन खर्चमा समेत कटौती गर्न सकिन्छ । यसको अलावा डीलमा उत्पादीत वस्तुहरुको प्रत्यक्ष बिक्रीबाट समेत लाभ आर्जन गर्दै अधिक मुनाफा प्राप्त गर्न सकिन्छ ।