बीउ ढड्याउने र गुम्स्याउने

भरपर्दो सिँचाइको व्यवस्था भएको ठाँउमा सिड प्राईमिङ्ग एक उपयोगी अभ्यास हो । यसको लागी बीउलाई जुटको बोरामा राख्ने र १०-१२ घण्टा पानीमा डुबाएर ढड्याएको बीउलाई पानीबाट बाहिर निकाल्ने र थप अतिरिक्त ८-१२ घण्टा जुटको बोरामा राखी भण्डारमा गुम्स्याएर (ईन्कुवेशन) राख्ने र पानीको १–२ झर परेपछिको वा सिँचाइ गरेपछिको चिसो माटोमा बीउ छर्न सकिन्छ । प्राईमिङ्ग वा गुम्स्याएपछि बीउ छिटो रोप्नु पर्दछ । प्राईमिङ्गले बीउ द्रुत गतिमा उम्रन्छ र छिटो समयमा राम्रो बाली स्थापना हुन्छ । तर प्राईमिङ्ग गरेको बीउ सिड ड्रिल मेसिनबाट सजिलै प्रवाह हुन नसक्ने हुनाले केहि समस्या पर्न सक्छ । ईनक्लाईन्ड प्लेट बीउ खसाल्ने संयन्त्र भएका सिड ड्रिलको प्रयोगबाट पूर्व अंकुरण (प्रि–जर्मिनेशन) गरिएको बीउसमेत रोप्न सकिन्छ । तर पूर्व अंकुरण भएको बीउ फ्लुटेड रोलर बीउ रोप्ने संयन्त्र भएको सिड ड्रिल मेसिनबाट रोप्नु हुँदैन । पूर्व अंकुरण गरिएको बीउ सुक्खा माटोमा रोप्ने हो भने बीउ नउम्रीकन बीउ भुटिन अवस्था आउछ । तसर्थ रोप्ने वित्तिकै सिँचाइ दिन सक्ने अवस्था नभएमा प्राईमिङ्ग गरेको बीउ वा पूर्व अंकुरण भएको बीउ सुक्खा माटोमा रोप्नुहुँदैन ।