धान काट्ने बेला

धान राम्रोसँग पाकेपछि मात्र काट्नुपर्छ| धान बाली पहेंलो भएपछि मात्र पाकेको उपयुक्त मानिन्छ । धानको गेडा थिच्दा साह्रो र सुकेको र बिरुवा पहेंलो भैसकेपछि काटिन्छ| धानलाई केहि दिन सुकाएर दाना छुट्याइन्छ जसका लागि दाई लगाउने, ढुङ्गाको प्रयोग वा paddy thresher को प्रयोग गरिन्छ । राम्रोसंग सुकाएपछि सफा गरेर १०-१२ प्रतिशत चिस्यान हुँदा यसलाई थन्काइन्छ । ४–५ दिन घाममा सुकाई १३% चिस्यानमा झारी र राम्ररी केलाइ भण्डारण गर्नु पर्दछ । बिउलाई हावा नछिर्ने टीनको ड्रम, सिडबिन, माटोबाट बनाएको भकारीमा भण्डारण गर्न सकिन्छ । बिउ भण्डारण गरिएका टीनको ड्रम, सिडबिन, माटोबाट बनाएको भकारी काठको फलेक बनाई काठको फलेक माथि राख्नु पर्दछ । भण्डारण गरिएको कोठामा भेन्टिलेसनको व्यवस्था भएमा बिउको उमार शक्ति बढी हुन्छ ।