फड्के किरा (Brown Plant Hopper)

पहिचान: कुनै हरिया, कुनै सेता र कुनै खैरा किसिमका फुत्त फुत्त उफ्रने किसिमका मसिना कीराहरू हुन्छन् ।

क्षतिको लक्षण:

• धानका विरुवाहरू सुकेर मर्दछन् । 
• विरुवाहरू गाँजिन र बढ्न सक्दैनन् । 
• धानको वोटमा वाला नलागी पराल जस्तो भई वोट सुकेर जान्छ ।

व्यवस्थापन:

१. उपयुक्त जातको छनौट गर्ने । ढिलो लगाईएको भन्दा छिटो लगाईएको र ढिलो पाक्ने भन्दा छिटो पाक्ने धान बालीमा फड्के कीराको प्रकोप कम भएको पाईएको छ

२. गाँजको घनत्व कम गर्ने । धान रोप्ने समयमा प्रति गाँजमा २—३ वटा भन्दा बढी बेर्नाहरू नरोप्ने

३. नाईट्रोजनयुक्त मलखादको उचित प्रयोग गर्ने

४. समय समयमा गोडमेल तथा सरसफाई गरी कीराको वैकल्पिक आश्रयस्थल नष्ट गर्ने 

५. ३–४ दिनको फरकमा खेतमा पानीको सतह बढाउने घटाउने र सुकाउने गर्नुपर्छ

६. धानखेतको पर्यावरणमा मित्रजीवको संख्या अत्यन्त कम वा शुन्य र शत्रुजीवको संख्या अत्यधिक रहेको समयमा अन्तिम विकल्पको रुपमा रासायनिक विषादीको प्रयोग गर्ने  दैहिक विषादीहरू एसीफेट ७५% एसपी (एसीफेट, आस्ताफ, लेन्सर) २ मिलि वा वुप्रोफेजिन २५% एससी (वुप्रोलोड, डेभिफेजिन) १.५ मिलि वा फिप्रोनिल ५% एससी (रिजेन्ट,स्टाल्कर,डेभिजेन्ट प्लस) २–३ मिलि वा इमिडाक्लाप्रीड १७.८ एसएल प्रयोग गर्ने