प्लाष्टिक घरभित्र उपयुक्त गोलभेडाका जात र जातीय गुण

प्लाष्टिक घरभित्र लगाउने जातको छनौट गर्दा बजारको माग तथा जातको उत्पादन क्षमतामा बिचार पुर्याउन जरुरी हुन्छ । सामान्यतया बढी उत्पादन दिने  लहरिने वा मध्यम लहरिने (Indeterminate or semi-indeterminate) जातहरु लाभदायक हुन्छन् ।

नेपालमा बागवानी अनुसन्धान महाशाखा खुमलटारद्धारा विकसित सृजना जातको गोलभेडाको मौसमी तथा बेमौसमी खेती बढ्दै गएको छ । यस लगायत नेपालमा खेतीका लागी २७ वटा गोलभेडाका जातहरु पन्जिकृत  भइ  विभिन्न भौगोलिक क्षेत्रको लागि सिफारिस गरिएको छ । गोलभेडाको जात छनौट गर्दा सिफारिस क्षेत्र, बजारको माग, रोग तथा कीरा सहन सक्ने गुण तथा प्रतिवोट उत्पादन, जातिय गुण तथा आबश्यक प्रविधिमा ध्यान दिन जरुरी छ ।
सृजना गोलभेडाको जातिय गुण

• गोलभेंडामा नेपालको पहिलो वर्णसंकर जात,फल रातो मुटू आकारको टुप्पा तिखो भएको हुन्छ ।
• फलको बोक्रा बाक्लो (४ – ४.८ मिलिमिटर) हुनुका साथै फलको स्वाद मध्यम अमिलो हुन्छ ।
• बोटको उचाई ४.५ देखि ५ मिटर सम्म हुन्छ ।
• बेर्ना सारेको ७५–८० दिनमा फल तयार हुन्छ ।
• ९ देखि १० महिनाको अवधि सम्म फल टिप्न सकिन्छ ।
• एक फलको तौल ६० देखि ८० ग्राम (मध्यम) हुन्छ ।
• ओईलाउने रोग (ब्याक्टेरीयल वील्ट) सहन सक्ने सहन सक्ने ।
• मध्य पहाडको ८०० देखी १६०० मिटर र तराईको १५० मिटर भन्दा माथिका उर्बर तथा सिंचित क्षेत्रहरुमा उपयुक्त।
• २०६६ सालमा पञ्जीकृत भएको ।