सागपातवाली समूह

परिचय
यस समूहमा रायो, चम्सुर, पालुँगो, धनियाँ, स्वीसचार्ड, जिरीको साग लगायतका कमला पातहरु तथा सिंगै कमला वोटहरु काँचो सलादको रुपमा वा पकाइ खान प्रयोग हुने तरकारी वालीहरु पर्दछन् । यस बर्गका तरकारी वालीहरुको खेती चिसो समयमा सफलतापूर्वक गर्न सकिन्छ भने स्वीसचार्ड एकपटक रोपेपछि लामो समय सम्म उत्पादन लिन सकिन्छ । यस समूहमा पर्ने रायो,स्वीसचार्ड,जिरीको साग, सेलरी,पार्सलेको विरुवा नर्सरीमा तयार गरी रोपिन्छ भने धनिया,पाकचोइ, चम्सुर, पालुँगोको वीउ सिधै छरिन्छ ।
सागपातवाली समूहका केही प्रचलित तरकारी तथा खेती समय

क्र.सं	वाली	जात	वीउ दर प्रति रोपनी	लगाउने समय (Normal Season)	दुरी (से.मी.)	तयार हुने समय दिन	जतिय गुण
१	रायो	खुमलचौडा, खुमलरातो, मार्फाचौडा मनकामना	३० ग्राम	भदौ–पुष	३०*१५	६० –७०	मार्फारायो र खुमल रातोमा ढिलो डुकु आउने भएकोले लामो समयससम्म उत्पादन लिन सकिने।
२	पाकचोइ	चोको, टेस्टीग्रिन	५० ग्राम	असोज–माघ	३०*२०	४० –५०	टेस्टी ग्रिन हाइव्रिड उचाइ २०से.मीे., चोको जात बोट सिधा, पातहरु खँदिलो साथै चौडा, मोटो र हरियो रङ्गको पेटियल (Petiole) भएको हुन्छ
३	पार्सले	पार्सले ग्रीनकार्पेट, सोइसिम	८०० ग्राम–१२०० ग्राम	असोज–कार्तिक	३०*३०	५०–६०	खुला सेचित जात
४	स्वीसचार्ड	सुसाग	२०० ग्राम	बाह्रैमहिना	४५*३०	६०–७०	पात गाढा हरियो, खुम्चिएको र डाँठ चौडा हुन्छ। लामो समय सम्म उत्पादन
५	जिरीकोसाग (lettuce)	ग्रीनवेभ, ग्रीनस्पान	२५ ग्राम	असोज–पुष	४०*२५	५०–५५	खुल्लासेचितजात
६	पालुंगो	पाटने, अलग्रिन	५०० ग्राम	भाद्र–माघ	३० *१०	३०–५०	खुला सेचित जात, पाटने पालुंगो उपत्यकामा प्रचलित
७	चम्सुर	स्थानिय	५०० ग्राम	बर्षेभरी	३० *२–३	२०–३०
८	धनिया	कलमी, स्थानिय, लोटस	५००–६०० ग्राम	बर्षेभरी	१५ *१०	३०–३५

नोट : जात छनौट गर्दा स्थान अनुसार सिफारिस गरीएका हावापानी सुहाउँदो उपयुक्त जातहरुको छनौट गर्न जरुरी छ ।

कौसी खेती प्रविधि