वेर्ना तयारी
लहरे तरकारीको बेर्ना वेमौसमी खेतीको लागि पोलिपट वा सेल ट्रेमा तयार गरिन्छ भने मौसमी खेतीको लागि सिधै जमिनमा वीउ रोप्ने चलन रहेको छ तर विरुवाको समुचित बृद्दिविकास गराई उत्पादन वढाउन पोलिपट वा ट्रेमा जमाएको बेर्ना रोप्नु पर्दछ । बीउ राम्रोसंग उम्रन तापक्रम र चिस्यानको आबश्यता पर्ने हुदा बेमौसमी खेतीको लागि लहरे तरकारी रोप्दा वीउ टुसाएर रोप्दा छिटै वेर्ना तयार गर्न सकिन्छ । बीउलाई छिटो उर्मान करिव २४ घन्टा वीउलाई भिजाएर उक्त बीउलाई कपडाले पोको पारी तातो नर्सरी वा मलखाडलमा करिव ४८ घन्टासम्म राख्दा बीउको राम्रो अंकुरण हुन्छ ।
उक्त अंकुरण भएको वीउलाई ४ इन्च चौडाइ र ६ इन्च लम्वाई भएको प्लाष्टिक थैलामा वा सेल ट्रेमा लगाएर बेर्ना उत्पादन गर्नु राम्रो हुन्छ । थैलामा माटो, गोवरमल, खरानी र बालुवाको अनुपात २ः२ः१ः१ गर्नु पर्दछ, यदि बालुवा मिसिएको माटो छ भने बालुवाको आबश्यकता पर्देन । यदि गाउँघरमा साल वा अन्य ठुलो पात भएका विरुवा छन् भने उक्त पातलाई सोली आकारमा गाँसी माथिको मिश्रण प्रयोग गरेर समेत विरुवा उत्पादन गर्न सकिन्छ । अंकुरण भएका वीउ प्रति थैला करिव १ से.मी. जतिको गहिराईमा तेर्सो पर्ने गरी एक एक वटा पर्नेगरी रोपी थैला भिज्ने गरी रोपि गुमोजमा हावा नछिर्नेगरी प्लाष्टिकले छोप्ने र बीउ राम्रोसंग उम्रेपछि दिउस प्लाष्टिक हटाउने र राति छोप्ने कार्य गर्नुपर्दछ साथै वेला वेलामा हजारीको सहयतावाट पानि नजम्ने गरी सिंचाई गर्नुपर्दछ । बिरुवा ३ देखी ४ पातको भएपछि रोप्न योग्य हुन्छ । यदि बीउलाई ट्रेमा जमाउने हो भने राम्रोसंग कुहिएको करिव १ बर्ष पुरानो कम्पोष्ट वा मधुमास ( cocopeat) को प्रयोग गरी बीउ रोप्नुपर्दछ ।
लहरे तरकारीका वेर्ना जमाउनका लागि उपयुक्त विभिन्न नर्सरीका प्रकारहरु
नर्सरीका प्रकार | बेर्ना जमाउन उपयुक्त समय |
---|---|
खाल्डे नर्सरी | गर्मी तथा सुख्खा याममा |
समथर नर्सरी | हिउदे मौसममा, सिचाई तथा निकास राम्रो भएको ठाउमा |
उठेको नर्सरी | बर्षा याममा |
तातो नर्सरी | अति चिसो मौसममा |
ट्रे नर्सरी | थोरै तथा अति साना बीउ उमार्न, नर्सरी बनाउने जग्गामा रोगको प्रकोप भएमा |
प्लास्टिक थैलो नर्सरी | लहरे तरकारी बालीमा |
प्लास्टिक टनेल नर्सरी | हावापानी, घाम, तुषारो बाट बचाई बेमौसममा बेर्ना उर्मान |