पछौटे डढुवा
परिचय
पातमा डढेको जस्तो देखिन्छ । शुरुमा पानीले भिजेको जस्तो हल्का खैरो हुन्छ र पछि गाढा खैरो वा कालो रंगमा परिणत हुन्छ । अनुकुल मौसममा त्यस्ता थोप्लाहरु पुरै पात, डाठँ र फलमा समेत फैलिन्छन् र बोट पुरै डढ्दछ । ओसिलो अवस्थामा पातको तल्लो सतहमा सेतो ढुसी देखिन्छ ।
व्यवस्थापन
- रोग लागेका फल र विरुवा जम्मा गरेर डढाउने, नष्ट गर्ने, सरसफाई गर्ने ।
- घुम्ती बाली अपनाउने । (बाली चक्रमा गोलभेडा, भण्टा, खुर्सानी आदी जस्ता बाली लगाउनु हुदैन ।)
- धेरै नजिक नजिक विरुवा नरोप्ने , उचित दुरीमा विरुवा लगाउने ।
- रोग निरोधक जात लगाउने ।
- नाईट्रोजनयुक्त मलको धेरै प्रयोग नगर्ने ।
- रोगलाई संरक्षण दिने झारपात हटाउने ।
- फल टिपिसकेपछि झांङ्ग खेतमै नकुहाउने ।
- नियमित रुपमा कांटछांट गर्ने । रोगी, पुराना पातहरु हटाई स्वास्थ्य हाँगाहरु राख्ने ।
- सिंचाई र निकासको व्यवस्थापनमा साबधानी अपनाउने ।
- बचावटका लागि पाकेको गोवरमल १ मे.ट. मा २.५ के.जी ट्राइकोडर्मा जैविक विषादी मिसाई प्रति रोपनी प्रयोग गर्ने । र रोग देखा परे
पछि ५ ग्राम ट्राइकोडर्मा १ लि. पानीका दरले बोटमा छर्ने । - बालीको नियमित अनुगमन गर्ने र म्यानकोजेवयुक्त ढुसीनाशक बिषादी २ ग्राम प्रति लि. पानीमा राखेर ७ दिनको अन्तरालमा पातको दुवै तर्फ पर्ने गरी छर्ने ।
- रोग धेरै बढेमा मेटालेक्सिल ८%+म्यान्कोजेव ६४% डब्लुपि २ ग्राम वा डाईमेथोमर्फ ५०% डब्लुपि. २ ग्राम वा फेनामिडन १०% +म्यान्कोजेव
५०% डब्लुपि २ ग्राम प्रति लिटर पानीको दरले बोट भिज्ने गरी छर्ने ।