सहभागितामूलक गुणस्तर निर्धारण प्रणाली

 सहभागितामूलक गुणस्तर निर्धारण प्रणाली(Participatory Guarantee System) भनेको आफ्नो क्षेत्रभित्र भएका उत्पादन प्रकृयालाई उत्पादक आफै र आफ्ना क्षेत्रमा भएका उपभोक्ताहरु बीचको  कार्यसम्बन्ध  स्थापना गरी आवश्यक परेको  अवस्थामा सम्बन्धित  संघसंस्थाका  प्रतिनिधि  समेतको रोहवरमा  उत्पादन  प्रक्रियाको  अनुगमन मूल्याङ्कन गरी प्रमाणिकरण गराउने पद्धतिलाई सहभागितामूलक प्रमाणिकरण भनिन्छ । यसमा  प्रमाणिकरण गर्ने संस्थालाई बोलाई रहनु नपर्ने भएकोले  सस्तो पर्दछ तर यस्तो समूहले स्थानीयस्तरमा सानो क्षेत्रभित्र मात्रै विश्वास आर्जन गर्न सक्ने भएकोलेव्यापारको दायरा पनि सानो नै हुन्छ । यसको लागि उत्पादक,व्यापारी, उपभोक्ता र सरोकारवालाहरु बीच स्थानीय मापदण्ड बनाउन सकिन्छ । उपभोक्ताको मागको आधारमा समय सापेक्ष रुपमा मापदण्ड परिवर्तन गर्न सकिन्छ |