प्राङ्गारिक प्रमाणिकरण प्रकृयाका विभिन्न तहहरु

फरक–फरक संस्थाहरुको फरक–फरक निरीक्षण तरिका र दायराहरु प्रयोग गर्ने भएतापनि नतिजा एउटै हुन्छ । हरेक संस्थाहरुले प्रमाणिकरणको लागि तीनवटा तहहरु प्रयोग गर्दछन् ।
तह १ : यो सबैभन्दा माथिल्लो तह हो । त्यसैले यो पूर्ण प्राङ्गारिक तह हो ।
तह २ः यो संक्रमण र परिवर्तनको तह हो । यस तहका फर्महरु प्राङ्गारिक फर्ममा रुपान्तरण भइसकेका हुन्छन् । यद्यपि यस तहका फर्महरुले तह १ का सबै नियमहरु पूरा गरिसके पनि फर्महरु त्यति बेलासम्म पूर्ण प्राङ्गारिक भएको मानिदैन । जबसम्म यी फर्महरु त्यही रुपबाट केही समयसम्म खेति गरिएका हुँदैनन् । यो समय लगभग दुई बर्षको हुन्छ ।
तह ३ :यो तह पूर्व संक्रमण र तह २ को पूर्व अवस्था पनि हो । फर्म र त्यस भित्रका उत्पादनका प्रक्रियाहरु निरीक्षणकै अवस्थामा हुन्छन् । यस तहको समयावधि लगभग दुई बर्षको हुन्छ । यस समयमा उत्पादित उत्पादनहरुले प्राङ्गारिक वा प्रमाणित गर्ने संस्थाको लोगो प्रयोग गरी बेच्न पाउँदैनन् ।यसरी कुनै पनि फर्म लगातार १ बर्षसम्म प्राङ्गारिक मूल्य र मान्यतामा रही उत्पादन गरेपछि प्राङ्गारिक फार्म ३ वर्षमा पूर्ण प्राङ्गारिक फर्मको रुपमा चिनिन्छ । प्रमाणपत्र प्राप्त गरिसकेपछि प्रत्येक वर्ष प्रमाणपत्रमा उल्लेखित मान्य हुने अवधी नसकिदै नविकरण गराउनु पर्छ|