रुपान्तरण अवधि(Conversion Period)
रुपान्तरण अवधि प्राङ्गारिक खेति शुरु भएको मितिदेखि गनिने छ ।
रुपान्तरण अवधिको पहिलो वर्षमा (प्राङ्गारिक प्रणालीमा ल्याइएको एक वर्षसम्म)प्रमाणिकरण गर्ने निकायले बेला–बेलामा निरीक्षण गर्नुपर्दछ । प्रमाणिकरण चिन्हभने प्रयोग गर्न पाइने छैन ।
रुपान्तरण अवधिको दोस्रो र तेस्रो बर्षको उत्पादनलाई राम्रोसँग निरीक्षण गरेरप्रमाणिकरण निकायले ’रुपान्तरण अवस्थाको प्रमाणिकरण चिन्ह’ प्रदान गर्नसक्नेछ ।
उत्पादन तथा प्रशोधन कर्ताले विगत तीन बर्षदेखि प्राङ्गारिक तरिकाले उत्पादन/प्रशोधन गरेको भन्ने यथेष्ट प्रमाण (माटो र उत्पादित वस्तुमा विषादीको असर नरहेको भनी प्रयोगशालाको रिपोर्टका साथै उत्पादन तथा प्रशोधन प्रणालीमा प्रयोग गरिएका विधि, प्रविधि र बस्तुहरुको अभिलेख) जुटाउन सकेमा प्राङ्गारिक प्रमाणीकरणका लागि पूरै रुपान्तरण अवधि पर्खिरहनु पर्ने छैन ।
प्राङ्गारिक खेति गरिएको भनिएको जमिनमा पूर्व स्वीकृति विना नियन्त्रित वाप्रतिवन्धित सामाग्री प्रयोग भएको पाईएमा प्रमाणिकरण चिन्ह प्रदान गर्न सकिंदैन ।
तीन बर्षभन्दा बढी बाँंझो रहेको जमिन र सामुदायिक वनमा उत्पादित वा वनक्षेत्रबाट संकलित उपज र पशु/मौरी चरण क्षेत्रको हकमा जमिनको रुपान्तरणअवधि प्रमाणिकरण प्रस्तावना स्वीकृत भएको मितिबाट गणना गरिनेछ ।